തോപ്പിൽ ജോപ്പന്റെ തല ഉയർത്തിപ്പിടിച്ച വിജയം … !!
പുലിമുരുഗൻ എന്ന ബിഗ് ബജറ്റ് ചിത്രം തിയേറ്റർ വാഴുമ്പോഴും കട്ടക്ക് പിടിച്ച നിന്ന് തോപ്പിൽ ജോപ്പനും മികച്ച ബോക്സ് ഓഫീസ് കളക്ഷൻ നേടുന്നു. മമ്മൂട്ടി കേന്ദ്ര കഥാപാത്രമായി എത്തിയ തോപ്പിൽ ജോപ്പൻ ആദ്യ 4 ദിവസം കൊണ്ട് നേടിയത് 8.43 കോടി. 6 കോടി ബഡ്ജറ്റിൽ പുറത്തിറങ്ങിയ ചിത്രം ഇതിനോടകം തന്നെ ലാഭം നേടി ഹിറ്റചാർട്ടിൽ ഇടം പിടിച്ച കഴിഞ്ഞു. ആദ്യ ദിനം ചിത്രം 1.65 കോടിയാണ് നേടിയത് .
ചിത്രം സംവിധാനം ചെയ്ത ജോണി ആൻ്റണി തന്നെയാണ് കളക്ഷൻ വിവരങ്ങൾ ഔദ്യോഗിക ഫേസ്ബുക് പേജിലൂടെ അറിയിച്ചത്. ഹാസ്യത്തിന് പ്രാധാന്യം നൽകി ഇറങ്ങിയ ചിത്രം മികച്ച പ്രതികരണം സ്വന്തമാക്കിയിരുന്നു. 110 തീയേറ്ററുകളിൽ മാത്രമാണ് ജോപ്പൻ റിലീസ് ലഭിച്ചത്. മമ്മൂട്ടിക്ക് പുറമെ മമത മോഹൻദാസ് , ആൻഡ്രിയ ജെർമിയ , സലിം കുമാർ, സാജു നവോദയ , ഹരിശ്രീ അശോകൻ , രഞ്ജി പണിക്കർ തുടങ്ങിയവർ സുപ്രധാന വേഷങ്ങൾ കൈകാര്യം ചെയ്തിരിക്കുന്നു.
പുലിമുരുഗൻ എന്ന ചിത്രത്തിന് ലഭിച്ച മികച്ച പ്രതികരണം തോപ്പിൽ ജോപ്പനെ ബാധിക്കുമോ എന്ന ആശങ്കയിലായിരുന്നു അണിയറ പ്രവർത്തകർ. എന്നാൽ കുടുംബ പ്രേക്ഷകർ ചിത്രം ഏറ്റെടുത്തോടു കൂടി ചിത്രം വൻ വിജയത്തിലേക്ക് നീങ്ങുകയായിരുന്നു. 20 കോടിയിലധികം ചിത്രം നേടുമെന്ന് തന്നെയാണ് ആരാധകരുടെയും അണിയറ പ്രവർത്തകരുടെയും പ്രതീക്ഷ.
പ്രണയവും വിരഹവും കൊമെടിയും ആക്ഷനും എല്ലാം കോർത്തിണക്കിയ ഒരു മനോഹര ചിത്രം തന്നെയാണ് ജോപ്പൻ എന്നാണ് റിവ്യൂ എല്ലാം തന്നേയ് സൂചിപ്പിക്കുന്നത്.
