പ്രിയദർശൻ ചിത്രത്തിൽ മമ്മൂട്ടിയും ദിലീപും ?

ഒപ്പത്തിന് ശേഷം പ്രിയദർശൻ ഒരുക്കുന്ന മലയാള ചിത്രത്തിൽ മമ്മൂട്ടി നായകൻ ആകുന്നു എന്ന് നേരത്തെ റിപ്പോർട്ടുകൾ ഉണ്ടായിരുന്നു, എന്നാൽ ഇപ്പോൾ കിട്ടുന്ന വാർത്തകൾ അനുസരിച്ചു ചിത്രത്തിൽ ദിലീപും കാണുമെന്നാണ് അറിയാൻ കഴിയുന്നത്.ചിത്രത്തിൽ ഇരു നടന്മാർക്കും തുല്യ പ്രാധാന്യം ആകും കാണുക.നേരത്തെ സംവിധായകൻ തനിക്കു 2  ചിത്രങ്ങളാണ് മനസ്സിൽ ഉള്ളതെന്ന് പറയുകയുണ്ടായി. ഒന്നിൽ മമ്മൂട്ടിയും മറ്റൊന്നിൽ മോഹൻലാലും ആകും നായകൻ. എന്നാൽ ചിത്രം എപ്പോൾ തുടങ്ങുമെന്ന് ഇതുവരെ തീരുമാനിച്ചിട്ടില്ല എന്നാണ് സംവിധായകൻ പറഞ്ഞത്. 17 വർഷങ്ങൾക്ക് മുമ്പാണ് പ്രിയദർശൻ സംവിധാനം ചെയ്ത ചിത്രത്തിൽ ഈ കൂട്ടുകെട്ട് ഒന്നിച്ചത് മേഘം എന്ന ചിത്രം ആയിരുന്നു അത്.എന്നാൽ ചിത്രം ബോക്സ് ഓഫീസിൽ വലിയ ചലനം സൃഷ്ടിച്ചില്ല. വെട്ടം ആണ് ദിലീപും പ്രിയദർശനും അവസാനം ഒന്നിച്ച ചിത്രം. കമ്മത്ത് ആൻഡ്  കമ്മത്ത് ആണ് ദിലീപും മമ്മൂട്ടിയും അവസാനം ഒരുമിച്ചഭിനയിച്ച ചിത്രം.