Kerala Box Office : Munthirivallikal Thalirkkumbol Final Collection

വെള്ളിമൂങ്ങയ്ക്ക് ശേഷം ജിബു ജേക്കബ് ഒരുക്കിയ കുടുംബ ചിത്രമായിരുന്നു മുന്തിരിവള്ളികൾ തളിർക്കുമ്പോൾ. മോഹൻലാൽ ,മീന എന്നിവർ പ്രധാന വേഷത്തിൽ എത്തിയ ചിത്രം ജനുവരി 20 ന് ആണ് തീയേറ്ററുകളിൽ എത്തിയത്.

2017 ൽ പുറത്തിറങ്ങിയ മലയാള ചിത്രങ്ങളിൽ ഏറ്റവും കൂടുതൽ കളക്ഷൻ നേടിയ ചിത്രങ്ങളിൽ ഒന്നായ മുന്തരിവള്ളികൾ അതിന്റെ 3 മാസത്തെ പ്രദർശത്തിനുശേഷം തീയേറ്ററുകൾ വിടുന്ന തയ്യാറെടുപ്പിൽ ആണ്. ട്രേഡ് അനലിസ്റ്റുകളുടെ കണക്കുകൾ പ്രകാരം ചിത്രം കേരളാ ബോക്സ് ഓഫീസിൽ നിന്നും മാത്രം നേടിയത് 34 .20 കോടി രൂപയാണ് .ചിത്രം നേരത്തെ വേൾഡ് വൈഡ് കളക്ഷനിൽ 50 കോടി പിന്നിട്ടിരുന്നു.അതിനാൽ തന്നെ 52 കോടിക്കും മുകളിൽ ഗ്രോസ് നേടിയിരിക്കും എന്ന് ഉറപ്പാണ്.

ജിബു ജേക്കബ് സംവിധാനം ചെയ്ത ചിത്രത്തിൽ മോഹൻലാൽ ഉലഹന്നാൻ എന്ന കഥാപാത്രത്തെ ആണ് അവതരിപ്പിക്കുന്നത്.അദ്ദേഹത്തിന്റെ ഭാര്യ ആയി എത്തുന്നത് മീന ആണ്.ചിത്രത്തിൽ മീന അന്നമ്മ എന്ന കഥാപാത്രത്തെ ആണ് അവതരിപ്പിക്കുന്നത്. ഇവരെ കൂടാതെ അനൂപ് മേനോൻ, അലെൻസിർ, സുരാജ് വെഞ്ഞാറമൂട്, അയ്‌മ റോസ്‌മി സെബാസ്റ്റ്യൻ, കലാഭവൻ ഷാജോൺ, സനൂപ് സന്തോഷ് എന്നിവരും പ്രധാന വേഷത്തിൽ എത്തുന്നു.

പ്രണയോപനിഷത്ത് എന്ന ചെറുകഥയെ ആസ്പദമാക്കി ഒരുക്കിയിരിക്കുന്ന ചിത്രത്തിന്റെ തിരക്കഥ തയ്യാറാക്കിയത് എം സിന്ധുരാജ് ആണ്.വീക്കെൻഡ് ബ്ലോക്കബ്സ്റ്റേഴ്സിന്റെ ബാനറിൽ സോഫിയ പോൾ ആണ് ചിത്രം നിർമ്മിച്ചത്.