പുത്തൻ പണത്തിനൊരു പുതിയ റിലീസ് തീയതി …

മമ്മൂട്ടിയെ നായകൻ ആക്കി രഞ്ജിത് സംവിധാനം ചെയ്യുന്ന പുതിയ ചിത്രം ആണ് പുത്തൻ പണം.വിഷുവിനു റിലീസ് ചെയ്യാൻ ഇരുന്ന ചിത്രം ഇപ്പോൾ റിലീസ് നീട്ടി എന്നാണ് അറിയാൻ കഴിയുന്നത്.പുതിയ റിപോർട്ടുകൾ പ്രകാരം ചിത്രം മെയ് പതിനൊന്നിനോ പന്ത്രണ്ടിനോ ആകും റിലീസ് ആകുക.

കാസർകോഡ് ജില്ലയിലെ ഒരു മധ്യ വയസ്‌കനായ നിത്യാനന്ദ ഷേണായ് എന്ന കേന്ദ്രപത്രത്തെ ആണ് മമ്മൂട്ടി പുത്തൻ പണത്തിൽ അവതരിപ്പിക്കുന്നത്.മമ്മൂട്ടിയെ കൂടാതെ ചിത്രത്തിൽ സിദ്ദിഖ് , സായി കുമാർ , രഞ്ജി പണിക്കർ , മാമുക്കോയ ,ഇനിയ ,ഷീലു എബ്രഹാം എന്നിവരും പ്രധാന കഥാപാത്രം ആകുന്നു.

ത്രീ കളർ സിനിമയുടെ ബാനറിൽ രഞ്ജിത്ത് ,എബ്രഹാം മാത്യു ,അരുൺ നാരായണൻ എന്നിവർ ചേർന്നാണ് ചിത്രം നിർമിക്കുന്നത്.ഛായാഗ്രഹണം ഓം പ്രകാശ് ,സംഗീതം ഷഹബാസ് അമൻ.

മാർച്ച് 30 റിലീസ് ആകുന്ന ദി ഗ്രേറ്റ് ഫാദർ ആണ് മമ്മൂട്ടിയുടെ അടുത്ത റിലീസ്.ചിത്രത്തിൽ ഡേവിഡ് നൈനാൻ എന്ന കഥാപാത്രത്തെ ആണ് മമ്മൂട്ടി അവതരിപ്പിക്കുന്നത്.സ്നേഹ ആണ് നായികാ ആയി എത്തുന്നത്.